Назарбаев Университеті – Қазақстанның Астана қаласында орналасқан, білім беру және ғылыми зерттеулер арқылы ғылымды, инновацияны және академиялық жетістікті дамытуға ұмтылатын Орталық Азиядағы жетекші зерттеу университеті.

Стратегия және іске асыру офисі (SDO) стратегиялық жоспарлау, қызмет нәтижелілігін басқару, сапаны қамтамасыз ету, тәуекелдерді басқару және институционалдық зерттеулер бағыттары бойынша университет деңгейінде көшбасшылықты қамтамасыз етеді. Офис университеттің стратегиялық мақсаттарына қол жеткізуге қолдау көрсетеді: стратегияны әзірлеу мен оның орындалуын мониторингтеу, халықаралық рейтингтер мен аккредиттеу үдерістерін үйлестіру, деректерге негізделген талдау мен сараптамалық қорытындылар ұсыну, сондай-ақ үздіксіз жетілдіру мен операциялық тиімділікті ілгерілетуге бағытталған институционалдық сапа жүйелерін дамыту және қадағалау арқылы.

Институционалдық зерттеулер және талдау жөніндегі директор университеттің деректер аналитикасын, институционалдық тиімділік және университеттің рейтингтердегі көрсеткіштері мен жаһандық абыройын арттыру саласында стратегиялық басшылықты жүзеге асырады. Осы басшылық лауазым стратегиялық жоспарлауды, сапаны қамтамасыз етуді, аккредиттеуді, ресурстарды бөлуді және үздіксіз жетілдіруді қолдау үшін деректерге негізделген шешімдер қабылдауды қамтамасыз етеді. Директор жоғары басшылықпен, мектептермен, әкімшілік бөлімшелермен, сапаны қамтамасыз ету топтарымен, IT қызметімен, қаржы департаментімен, қабылдау комиссиясымен және студенттермен жұмыс жүргізу қызметімен тығыз жұмыс істейді.

1) Институционалдық зерттеулер және стратегикалық аналитика

1. Институционалдық зерттеулер мен аналитиканың кешенді функциясын әзірлеуге басшылық ету.
2. Институционалдық деректерді жинау, тексеру, талдау және түсіндіру.
3. Жоғары басшылық пен университет стейкхолдерлері үшін дашбордтар мен тиісті есептерді әзірлеу.
4. Стратегиялық мақсаттар мен рейтингтік көрсеткіштерге қол жеткізуді жақсарту үшін деректерге негізделген ұсыныстар беру және іс-шараларды жүзеге асыру.
5. Студенттерді қабылдауды, сақтауды, үлгерімді, аяқтауды, жұмысқа орналасуды, зерттеу тиімділігін және операциялық тиімділікті арттыру мүмкіндіктерін анықтау.
6. Стратегиялық және операциялық жоспарлауды, институционалдық саясатты әзірлеуді, бюджеттеуді және ресурстарды бөлуді қолдау үшін деректер мен талдауды қамтамасыз ету.

2) Университет рейтингтері

1. Университеттің рейтингтік көрсеткіштеріне стратегикалық бақылауды қамтамасыз ету, кешенді рейтингтік стратегикалық негізді әзірлеу, институционалдық басымдықтарды, деректерді жинауды және жақсарту бастамаларын университеттің мақсатты рейтингтік нәтижелеріне сәйкестендіру.
2. Рейтингтік көрсеткіштердің тұрақты жақсаруын қамтамасыз ету және университеттің жаһандық беделін арттыру үшін мақсатты шаралар мен әсері жоғары бастамалар бойынша басшылыққа сараптамалық кеңес пен бағыт-бағдар беру.
3. Times Higher Education, QS және басқа да тиісті жаһандық рейтингтік жүйелер бойынша институционалдық деректерді ұсынуға, сценарийлерді модельдеуге және нәтижелерді бағалауға жалпы жауапкершілікті өз мойнына алу.
4. Толық статистикалық деректер репозиторийін және дәлелдемелік базаны жүргізу.
5. Статистикалық деректерді рейтингтерге ұсынудың дәлдігін, жүйелілігін және тексерілуін қамтамасыз ету.

3) Стратегиялық тиімділікті басқару

1. Университеттің КПИ (негізгі тиімділік көрсеткіштері) мен стратегиялық мақсаттарының мониторингіне қолдау көрсету.
2. Тиімділік дашбордтарын әзірлеуге басшылық ету.
3. Басшылықтың назарын талап ететін салалар бойынша ерте ескерту талдауын ұсыну.
4. Жоғары деңгейдегі шешім қабылдаушылар үшін күрделі деректерді түсінікті ұсыныстарға түрлендіру.

4) Деректерді басқару (Data Governance) және сапасы

1. Деректер анықтамалары, меншіктілік, сапа және есептілік бойынша институционалдық стандарттарды белгілеу.
2. Деректерді тексеру, салыстыру және сапаны қамтамасыз ету процестерін енгізу.
3. Деректер жүйесі мен есептілік инфрақұрылымын жақсарту үшін IT және деректер иелерімен жұмыс істеу.
4. Тиісті құпиялылықты, жеке деректерді қорғауды және деректер қауіпсіздігі практикаларын қамтамасыз ету.

5) Аккредиттеу, сапаны қамтамасыз ету және сыртқы есептілік

1. Аккредиттеу және сыртқы сапа сараптамалары үшін институционалдық деректер мен талдауды ұсыну.
2. Ұлттық нормативтік және заңнамалық есептілік талаптарын қолдау.
3. Институционалдық аудиттер мен тексерулер үшін деректер мен дәлелдерді үйлестіру.
4. Институционалдық деректер, аккредиттеу өтінімдері және рейтингтік өтінімдер арасындағы сәйкестікті қамтамасыз ету.

6) Зерттеулер және секторлық аналитика (Sector Intelligence)

1. Демографиялық, экономикалық, студенттік, еңбек нарығы және секторлық тенденцияларды талдау.
2. Университет басшылығы үшін стратегикалық аналитикалық есептер дайындау.

7) Басшылық және стейкхолдерлермен өзара іс-қимыл

1. Институционалдық зерттеулер және талдау тобына басшылық ету, дамыту және басқару.
2. Жоғары басшылармен, сондай-ақ NU бойынша академиялық және кәсіби қызметтер топтарымен берік қарым-қатынас орнату, қажеттілігіне қарай олардың жұмысына қолдау көрсету.
3. NU 2026-2031 Стратегиясының Қоғамдық әсер ету (Societal Impact) мандатына сәйкес Қазақстан бойынша және кеңірек өңірде тәжірибе бөлісу.
4. Қызметкерлерге, оқытушыларға және жоғары басшыларға тренингтер мен нұсқаулықтар беру арқылы бүкіл университетте дәлелді шешім қабылдау мәдениетін және тиімділікті нәтижелі өлшеуді насихаттау.
5. Тиісті кәсіби және секторлық желілерде университеттің атынан өкілдік ету.

Бизнес және экономика, мемлекеттік саясат, статистика, компьютерлік ғылымдар, деректер туралы ғылым, білім беру және әлеуметтік ғылымдар сияқты бағытта оқыту ағылшын тілінде жүргізілетін жоғары оқу орнынан алған магистр дәрежесі (докторлық дәрежеге артықшылық беріледі).

Кемінде 8 жыл (немесе тиісті салада докторлық дәрежесі барлар үшін 5 жыл) жұмыс өтілі, жоғары білім беру саласында, оның ішінде кемінде 4 жыл (докторлық дәрежесі барлар үшін екі жыл) адамдарды басқарумен және аналитикалық жобаларды іске асырумен байланысты лауазымдардағы жұмыс өтілі құпталады.

1) жоғары білім берудегі институционалдық зерттеулер мен аналитиканың рөлін жоғары деңгейде түсіну;
2) халықаралық аккредиттеу, бағалау, сараптама және рейтингтер туралы жан-жақты білім мен түсінік;
3) нақты мәселелерді шешуге бағытталған инновациялық жобаларды, рәсімдерді және практикаларды әзірлеу мен енгізудің жоғары қабілеті;
4) сандық және сапалық зерттеу әдістері мен дизайны бойынша (сауалнамаларды әзірлеу мен жүргізуді қоса алғанда) терең білім мен тәжірибе;
5) деректерді (сандық және сапалық) талдау, нәтижелерді жинақтау, қорытынды жасау және Университет басшылығына нақты деректерге негізделген ұсынымдар беру бойынша жоғары қабілет;
6) академиялық бағдарламаларға сараптама жасау, сондай-ақ жоғары білім беру саласындағы саясаттар мен практикаларды бағалау және әзірлеу тәжірибесі;
7) өңірдегі және одан тыс жерлердегі заманауи халықаралық жоғары білім беруге қатысты стратегиялық мәселелерді білу және түсіну;
8) деректер аналитикасы мен визуализация саласындағы соңғы үрдістермен таныс болу;

9) жұмыскерлердің кәсіби даму қажеттіліктерін түсіну және команда ішінде де, одан тыс жерлерде де аналитикалық әлеуетті арттыру үшін оқыту бағдарламаларын әзірлеу қабілеті;
10) статистикалық пакеттерді (STATA, R және/немесе SPSS сияқты) және Microsoft Office бағдарламалар жиынтығын еркін пайдалану, сондай-ақ бағдарламалау тілдерін (SQL, Python немесе R сияқты) негізгі деңгейде білу;
11) жоғары білім беру саласындағы деректерді басқаруға қатысты этикалық стандарттарды білу және түсіну;
12) жоспарлау және ұйымдастырушылық дағдылар;
13) жобаларды және команданы басқару дағдылары;
14) тәлімгерлік және басқару (адамдарға ықпал ете білу) дағдылары;
15) ерекше аналитикалық қабілеттер, сыни/шығармашылық ойлау;
16) үздік коммуникативтік және презентациялық дағдылар;
17) егжей-тегжейлерге ерекше назар аудару;
18) әдептілік пен түсіністік;
19) әртүрлі командаларда және ортада жұмыс істеу қабілеті.

Тілдерді білуге қойылатын талаптар: Ағылшын тілін еркін меңгеру

Іріктеу және жұмысқа қабылдау үдерісі

Назарбаев Университетіндегі жұмысқа қабылдау және іріктеу үдерісі келесі кезеңдерді қамтиды: тәжірибесі мен біліктілігі негізінде алдын ала іріктеу, түрлі бағалау рәсімдері (мысалы, техникалық дағдылар мен құзыреттерді бағалау, қабілеттілік тестілері, тұлғалық қасиеттерді бағалау, жұмыс үлгілерін қарастыру, жағдайлық тапсырмалар және бейресми сұхбаттар), сондай-ақ үміткердің ынтасы мен қызығушылығын бағалау.

Ресми сұхбаттар іріктеу үдерісінің соңғы кезеңі болып табылады. Олар, әдетте, ұйымның құндылықтары мен мінез-құлық қағидаттарына негізделеді және ағылшын тілінде өткізіледі.

Сізге өз көзқарастарыңыз бен құндылықтарыңызды ашық бөлісу ұсынылады. Бұл олардың Назарбаев Университетінің негізгі құндылықтарымен қаншалықты үйлесетінін анықтауға мүмкіндік береді.

Өтінімдерді қабылдау мерзімі: бос орын жабылғанға дейін.

Recruitment and selection process
Recruitment and selection at Nazarbayev University include the following process: preliminary selection based on experience and qualifications, assessments (e.g. technical skills/capabilities, aptitude, personality, work samples, in-basket exercises, and informal interviews), and motivation.

Formal interviews form the final stage of the selection process.
They are typically based on organizational values and behaviors and conducted in English.
You are encouraged to share your views and values  to identify how they fit into  Nazarbayev University core values