ჩვენ ვაშენებთ TechCo-ს, უფრო მეტს ვიდრე ტრადიციულ ტელეკომ კოპანიას, რომელიც ქმნის ციფრულ პროდუქტებს, მუშაობს მონაცემებზე და სწრაფად გადააქცევს იდეებს რეალურ შედეგებად.
ჩვენთვის კავშირი არ ნიშნავს მხოლოდ ქსელს. ეს ნიშნავს ადამიანებისა და შესაძლებლობების დაახლოებას ციფრული პროდუქტების განვითარებით, მონაცემებზე დაფუძნებული გადაწყვეტილებებით და რაც ყველაზე მნიშვნელოვანია - მომხმარებლისთვის უნიკალური პერსონალიზებული გამოცდილების შექმნით.

ჩვენი მისია მარტივი და ამბიციურია:
„ვქმნით შესაძლებლობებს ადამიანებისთვის და ვაახლოებთ მათ ერთმანეთთან"

სელფიში მუშაობა ნიშნავს იყო ტრანსფორმაციის მონაწილე, რომელიც განსაზღვრავს როგორი იქნება საქართველოს ციფრული სამყარო მომდევნო წლებში.

სელფიში ვეძებთ გუნდის ახალ წევრს მონაცემთა მეცნიერის როლზე.
სამუშაო ადგილი: ქ. თბილისი, სელფი მობაილის სათავო ოფისი

თუ გიყვარს რთული ამოცანების ამოხსნა, პროგნოზირებადი მოდელების შექმნა, მონაცემებში დამალული კანონზომიერებების პოვნა და გსურს გავლენა მოახდინო პროდუქტების, მომხმარებელთა გამოცდილებისა და ბიზნეს პროცესების ტრანსფორმაციაზე, ეს პოზიცია შენთვისაა.

ამ როლში შენ:

• შექმნი და დანერგავ - მანქანური სწავლების (Machine Learning) მოდელებს, დაეხმარები ბიზნესს კლიენტების ქცევის პროგნოზირებაში, პროდუქტების ოპტიმიზაციასა და პროცესების ავტომატიზაციაში.
• იმუშავებ მრავალფეროვან პროექტებზე – შენი საქმიანობა არ იქნება შეზღუდული ერთი მიმართულებით; შენ იმუშავებ როგორც კლიენტების ქცევის (მაგ. Churn prediction, CLV), ისე პროდუქტებისა და შიდა ოპერაციული პროცესების გაუმჯობესებაზე.
• აღმოაჩენ ღირებულ კანონზომიერებებს – დიდი მოცულობის და არასტრუქტურირებული მონაცემებიდან გამოავლენ ისეთ კანონზომიერებებს, რომლებიც ბიზნესს ახალ შესაძლებლობებს დაანახვებს.
• ითანამშრომლებ ბიზნესის და მონაცემთა ინჟინერიის გუნდებთან – დაეხმარები მათ Advanced Analytics-ის მიგნებების ბიზნეს სტრატეგიაში ინტეგრირებასა და მონაცემებზე დაფუძნებული პროდუქტების შექმნაში.
• გამოიყენებ და განავითარებ ხელოვნური ინტელექტის (AI) და Generative AI-ის თანამედროვე ხელსაწყოებს ყოველდღიური პროცესებისა და ანალიტიკური მუშაობის ეფექტიანობის მაქსიმალურად გასაზრდელად.

თუ ეს როლი გაინტერესებს, აუცილებელია გქონდეს:

• მინიმუმ 3 წლიანი სამუშაო გამოცდილება Data Science-ის ან Analytics-ის მიმართულებით.
• Python-ის (ან R-ის) ძლიერი პრაქტიკული ცოდნა და მონაცემთა დამუშავების/მოდელირების ბიბლიოთეკებთან (Tensorflow, Pandas, Scikit-Learn და ა.შ.) მუშაობის გამოცდილება.
• SQL-ის კარგი ცოდნა – რთული მონაცემთა ბაზებიდან საჭირო ინფორმაციის დამოუკიდებლად ამოღებისა და სტრუქტურირების უნარი.
• ML მოდელების შექმნისა და ვალიდაციის პრაქტიკული გამოცდილება (Classification, Regression, Clustering, Time Series).
• ბიზნეს აზროვნება და კომუნიკაციის უნარი – რთული მათემატიკური ან სტატისტიკური მოდელების შედეგების „თარგმნა“ მარტივ, ბიზნესისთვის გასაგებ ენაზე.

დამატებითი უპირატესობა იქნება:

• Big Data ტექნოლოგიებთან (Spark, Databricks, Hadoop ან Cloud Data Warehouses) მუშაობის პრაქტიკა.
• Deep Learning, NLP, LLM/ GenAI მიმართულებების საბაზისო ან პრაქტიკული ცოდნა.
• MLOps პრინციპების ცოდნა (მოდელების Production-ში გაშვებისა და მონიტორინგის გამოცდილება).

გამოგვიგზავნე განაცხადი და გახდი ჩვენი გუნდის წევრი!
განაცხადის მიღების ბოლო ვადაა 30 ივნისი, 2026

რატომ სელფი

ჩვენ ვმუშაობთ მკაფიო მიზნებით და გაზომვადი შედეგებით. 
ჩვენთან ყველა ინიციატივას აქვს რეალური ბიზნეს ეფექტი და ქმნის ღირებულებას მომხმარებლებისათვის. 

ჩვენ ვაფასებთ: 
•    პასუხისმგებლობას (Ownership)
•    საქმის ხახრისხიან შესრულებას 
•    პროფესიული ზრდისა და ერთმანეთის განვითარების სურვილს.

სელფი მობაილში შეგიძლია: 
•    დასახო ამბიციური მიზნები
•    თამამად გამოხატო შენი აზრი
•    ჩაძიებით მოძებნო უკეთესი გამოსავალი
•    ისწავლო და ასწავლო სხვებს.

ჩვენი კულტურა ემყარება ხუთ პრინციპს:
•    ფოკუსი ადამიანზე - თანამშრომლებზე და მომხმარებლებზე ზრუნვა
•    პასუხისმგებლობა - "შედეგებზე სრული პასუხისმგებლობის აღება, ფორმალური როლის ფარგლებს მიღმაც"
•    სიახლეების ძიება - კითხვები, ჩაძიება და იდეების ქმედებად გარდაქმნა
•    კეთილსინდისიერება - სიტყვა და მოქმედება თანმიმდევრულია
•    გუნდურობა - „ჩვენ“ ყოველთვის უფრო მაღალია „მე“-ზე